Буффон, Куадрадо ва де Шильо "Кальяри"га қарши баҳсда "Ювентус"га ёрдам бера олишмайди

Туриннинг "Ювентус" клуби бош мураббийи Массимилиано Аллегри А Сериянинг 20-турида "Кальяри"га қарши баҳс олдидан таркибдаги йўқотишлар ҳақида тўхталиб ўтди.

Клуб расмий сайтининг хабар беришича яқинлашиб келаётган учрашувда “кекса синьора” Жанлуижи Буффон, Маттиа де Шильо ва Хуан Куадрадо каби футболчилар хизматидан фойдалана ололмайди. Шунингдек Клаудио Маркизио ҳам ушбу баҳсни ўтказиб юбориши мумкин.

Эслатиб ўтамиз, ушбу баҳс эртага Тошкент вақти билан соат 00:45да старт олади.