Бугун Ла Лигада марказий баҳс Мадридда бўлади

Хабарингиз бор бугун Испания Ла Лигасида 13-турнинг марказий баҳси Мадриддаги “Ванда Метрополитано” стадионида кечади. Шу куни “Атлетико” ўз майдонида пешқадам ва амалдаги чемпион – “Барселона”ни қабул қилади.

Учрашувга оид қизиқарли фактлар:

- “Барселона” сўнгги 22 та ўйиндан 18 тасида  рақиб дарвозасини камида 3 марта ишғол этган.

- “Барселона” Ла Лига доирасида сафарда ўтказган охирги 27 та ўйиндан 25 тасида мағлуб бўлмаган.

- “Атлетико” эса чемпионат доирасида ўз майдонида ўтказилган сўнгги 4 та учрашувнинг барчасида ғалаба қозонган.

- “Барселона” қаторасига 6 та ўйиндан буён “Атлетико”га мағлуб бўлмай келмоқда.

"Атлетико" – "Барселона"

Стадион: "Ванда Метрополитано" (Мадрид)

Бошланиш вақти: 00:45

Бош ҳакам: Хесус Хиль Мансано

Тахминий таркиблар:

"Атлетико": Облак – Ариас, Савич, Эрнандес, Луис – Коке, Родри, Сауль, Лемар – Коста, Гризманн

"Барселона": тер Штеген – Роберто, Пике, Умтити, Альба – Бускетс, Артур, Видаль – Коутиньо, Месси, Суарес.

Бахтиёр ТОШТЕМИРОВ тайёрлади.