Чемпионлар лигасига қачон қуръа ташланади?
Ads

УЕФА Чемпионлар лигасининг янги 2019/20 йилги мавсумига эртага, яъни 29 август куни қуръа ташланади. Ушбу маросим Тошкент вақти билан соат 21:00да бошланади.

Айни дамда гуруҳ босқичида иштирок этадиган 32 та клубдан 29 тасининг номи маълум. Улар: "Барселона", "Реал", "Атлетико", "Валенсия", "Ливерпуль", "Челси", "Манчестер Сити", "Тоттенхэм Хотспур", "Ювентус", "Наполи", "Интер", "Аталанта", "Бавария", "Боруссия" Дортмунд, "Байер", "РБ Лейпциг", ПСЖ, "Лилль", "Лион", "Зенит", "Локомотив", "Бенфика", "Шахтёр", "Генк", "Галатасарай", "Зальцбург", "Олимпиакос", "Динамо" ва "Црвена Звезда". Бугун бўлиб ўтадиган плей-офф жавоб ўйинларидан сўнг қолган 3та клуб номи маълум бўлади.