ЕЧЛ.

Ассалому алайкум, қадрли футбол ихлосмандлари! Европа Чемпионлар Лигаси финал босқичидан ўрин олган "Манчестер Сити" - "Челси" тўқнашувига хуш келибсиз. Ўйинни сайтимиз орқали матнли кўринишда кузатиб боришингиз мумкин.

Манчестер Сити

    UEFA ЧЛ Финал бочқичи Финал

    30/05/2021, 00:00

    0
    :
    1
    Тугади

    Челси

    • Кай Хаверц 42'

    Стадион: Estadio do Dragao 14110 томошабин

    Бош ҳакам: Antonio Mateu

    45'
    90'

    • 90+7'

      Учрашув якунланди! "Челси" ЕЧЛ жорий мавсумида тенгсиз!

    • 90+6'

      Рияд Мазрезнинг зарбасидан кейин тўп тўсин юқорисидан ўтиб кетди. Ўта хавфли вазият!

    • 90+5'

      Рюдигер майдонда ётибди. Унга нисбатан Стоунз қоида бузди.

    • 90+4'

      Кай Хаверц ҳужумда қоида бузди. Камига, дарвозабон тўпни ўйинга киритишига ҳалал бермоқда.

    • 90+3'

      Уокер рақиб жарима майдонига узатма амалга оширди. Катта мотивацияга эга "Челси" ҳимоячиси тўпни қайтарди.

    • 90+1'

      Хаверц майдон марказида қоидабузарлик эвазига тўхтатиб қолинди.

    • 90'

      Финалнинг асосий вақтига 7 дақиқа қўшиб берилди.

    • 90'

      Фоденнинг яқин масофадан берган зарбаси ҳимоячилардан ўтмади.

    • 88'

      Жезус Хаверцга нисбатан қўполлик ишлатди. Лаос ўйинни тўхтатди.

    • 86'

      Кайл Уокернинг узатмасидан кейин тўпни на Агуэро, на Фоден ета олди.

    • 85'

      Жарима майдони ичида тўпни қабул қилган Агуэро нотўғри қарор қабул қилди. Серхио зарба позициясидан ноаниқ ҳаракат амалга оширди.

    • 83'

      "Сити"га гол сув ва ҳаводек зарур. Бироқ "Челси" бўш келмаяпти.

    • 82'

      Жоржиньонинг жарима майдони ташқарисидан йўллаган зарбасига аниқлик етишмади.

    • 81'

      Жарима майдони яқинида Чилуэллга нисбатан қоида бузилди. Уокернинг асаблари дош бермади.

    • 80'

      Мэйсон Маунт ўрнига Матео Ковачич ўйинга қўшилди.

    • 78'

      "Шаҳарликлар" стардари вазиятдан наф чиқара олмади.

    • 76'

      Серхио Агуэро ўйинга қўшилдию. У Рахим Стерлингни алмаштирди.

    • 75'

      Тухель шогирдлари тўп ўзларида олиб турибди. Уларга вақт ўтгани муҳим.

    • 74'

      Стерлингнинг узатмасидан кейин Жезус чиройли услубда зарба беришга ҳаракат қилди. Бироқ унга техника панд берди.

    • 73'

      Бирга-бир вазиятга чиқиб борган Пулишич аниқ зарба йўллай олмади. Ўта қулай имконият қўлдан кетди.

    • 72'

      Мазрезнинг узатмасидан кейин зич ўйнаётган "Челси" ҳимояси хавфни бартараф этди. Бош ролда Кристенсен.

    • 71'

      Гвардиола шогирдлари катта куч билан олдинга интилмоқда.

    • 69'

      Аспи рақиби билан тўқнашиб кетди. Унга тиббий ёрдам керак.

    • 68'

      Махрезнинг узатмасидан кейин Аспиликуэта жамоасини муқаррар голдан қутқариб қолди. 

    • 68'

      Стандартдан оширилган тўпга Диаш кўнгилдагидек зарба бера олмади.

    • 66'

      Тимо Вернер ўрнига Кристиан Пулишич майдонга тушди.

    • 65'

      Чуқур прессинг ташкил этган Жезус рақибини хато қилишга мажбур қилди. Бироқ Габи ўйинни давом эттира олмади.

    • 64'

      Бернарду Сильва ўз ўрнини Фернандиньога бўшатиб берди.

    • 62'

      "Шаҳарликлар" катта куч билан олдинга ўтмоқда. Бироқ аксарият ҳужумлар охирига қадар етиб бормаяпти.

    • 60'

      Стерлингнинг кучли зарбасидан кейин тўп Жэймснинг қўлига тегди. Бироқ Матеу Лаос вазиятни пенальти учун етарли эмас дея баҳолади.

    • 59'

      Кевин кўзларида ёш билан майдонни тарк этди. Унинг ўрнига Габриэль Жезус ўйинга қўшилди.

    • 59'

      Кевин Де Брюйнега ҳамон тиббий ёрдам кўрсатилмоқда.

    • 57'

      Антонио Рюдгерга сариқ карточка кўрсатилди.

    • 56'

      Де Брюйне ҳамда Рюдигер ўзаро тўқнашиб кетди. Шифокорлар аллақачон майдонда.

    • 54'

      Гюндоган эҳтиёт бўлиши лозим. Ҳисобида сариқ карточка бор Илкай Хаверцга нисбатан қоида бузди.

    • 53'

      Рубен Диаш Вернер бирга-бир вазиятга чиқиб боришига йўл қўймади.

    • 52'

      Олдинга интилган Де Брюйнени ортда етиб келган Канте тўхтатишга муваффақ бўлди.

    • 51'

      Маунт ва Чилуэллнинг ўзаро комбинацияси кўнгилдагидек чиқмади.

    • 50'

      Вақти-вақти билан лондонликлар ҳам рақибни саросимага солиб қўймоқда.

    • 49'

      "Шаҳарликлар" катта устунлик билан олдинга ташланмоқда. "Челси"да тартиб қутқариб қолмоқда.

    • 48'

      Жарима майдонига оширилган тўпни Канте қайтариб юборди.

    • 47'

      Иккинчи бўлимда номинал мезбонлар кичик устунлик билан ҳаракат қилмоқда.

    • 46'

      Иккинчи тайм бошланди!

    • 46'

      "Сити" футболчилари гол уриш учун, "Челси" вакиллари ҳисобни ушлаб туриш учун майдонга қайтди. Чиройли футбол томоша қилиш учун биз ҳам қайтамиз!

    • 45+3'

      Биринчи тайм якунланди. Ажойиб 45 дақиқалик!

    • 45+2'

      "Челси" футболчилари тўпни ўзларида ушлаб турибди. "Сити" эрта прессингда ишламоқда.

    • 45+1'

      Тимо Вернернинг ўткир бурчакдан йўллаган зарбасига аниқлик етишмади.

    • 45'

      Биринчи таймга 3 дақиқа қўшиб берилди.

    • 44'

      Голдан руҳланган "аристократлар" олдинга ўтишда давом этмоқда.

    • 42'

      ГООООООООООООЛ! Хаверц бу мавсум ЕЧЛдаги биринчи голини киритди!

      Маунтнинг узатмасидан кейин бирга-бир вазиятга чиқиб борган Хаверц дарвозабонни алдаб ўтиб, дарвозани ишғол этди.

    • 42'

      Бўлим сўнгига келиб Тухель шогирдлари ҳам бироз фаоллашди.

    • 40'

      Жарима майдонига пас берган Вернер мўлжалда адашди. Тўп Хаверцга қадар етиб бормади.

    • 39'

      Жароҳат олган Сильва захирага олинди. Унинг ўрнига Андрес Кристенсен ўйинни давом эттиради.

    • 38'

      Тьяго Сильва кераксиз вазиятда оёқ пайларини жароҳатлаб олди. Унга тиббий ёрдам керак.

    • 37'

      Жарима майдонига ёриб кирган Хаверц Зинченкони алдай олмади. Қулай имконият қўлдан кетди.

    • 35'

      Ҳаво ҳарорати бирлз юқорилиги туфайли ҳакам футболчиларга томоқ ҳўллаб олиш имкониятини тақдим этди.

    • 34'

      Маунтга нисбатан қўполлик ишлатган Илкай Гюндоган огоҳлантирилди.

    • 33'

      Сўнгги бир неча дақиқалар ичида "аристократлар" назоратни қўлга олди. Бироқ "Сити" мудофаада ишончли ҳаракат қиляпти.

    • 31'

      Зинченконинг хатосидан кейин тўпни олиб қўйган Вернер қарши ҳужум бошлай олмади. Эвазига позицион уриниш амалга оширилади.

    • 30'

      Уокернинг узатмасидан кейин Махрез тўпга ета олмади. Яна бир қулай вазият қўлдан кетди.

    • 29'

      Тимо Вернер ўйиндан ташқари ҳолатда қолиб кетди. У яна ўз услубида.

    • 27'

      Фоденнинг яқин масофадан берган зарбасини Рюдигер қайтариб қолди. Антониодан ажойиб сейв!

    • 26'

      Жарима майдонига оширилган тўпни "Сити" қайтариб юборди.

    • 25'

      Лондонликлар жарима майдонига яқин ҳудудда стандарт вазиятга эга бўлди.

    • 24'

      Кучли прессинг ва тўп назорати бўйича томонлар жиддий кураш олиб бормоқда.

    • 22'

      Ён ҳакам Стерлинг Де Брюйнега пас берган вазиятда офсайд бўлганлигини таъкидлади. Менди эркин зарба билан тўпни ўйинга киритиб беради.

    • 21'

      Жарима майдонига кирган Де Брюйненинг узатмасидан кейин Аспиликуэта хавфни бартараф этди.

    • 19'

      Томонлар эҳтиёткорликка урғу бермоқда. Финалда доим ҳам таваккал қилинавермайди.

    • 17'

      Жарима майдонига оширилган тўпга Канте ноаниқ зарба берди.

    • 16'

      Гвардиола шогирдлари тўпни назорат қилиш орқали рақиб шаштини пасайтиришга ҳаракат қилмоқда.

    • 15'

      "Челси" уйғонмоқда! Тимонинг бу сафарги уринишидан кейин тўп дарвоза тўрига ташқи томондан келиб тегди.

    • 14'

      Тахминан 10 метр масофадан зарба берган Вернернинг уринишидан кейин тўпни Эдерсон ушлаб олди.

    • 13'

      Жарима майдони ичида Канте тўпни ўзига бўйсундира олмади.

    • 11'

      Ҳозирча, "шаҳарликлар" позицион ҳужумлар ташкил этяпти. "Аристократлар" қарши ҳужумда ҳаракат қилмоқда.

    • 10'

      Қарши ҳужум билан яхши имконият ҳосил қилган Гвардиола шогирдларининг уриниши қайтарилди. "Челси" ҳимоячилари яхши ҳаракат қилди.

    • 10'

      Жарима майдони марказига оширилган тўпни Вернер дарвозага йўллай олмади. Тимо ўз услубида!

    • 9'

      Ҳимоядаги шерикларига ёрдамга келган Вернер Гюндоганни зарарсизлантирди.

    • 8'

      Сокинликни "Сити" бузиб ташлади! Эдерсоннинг узатмасидан кейин бирга-бир вазиятга чиққан Стерлингнинг зарбасини Менди қайтарди.

    • 6'

      Тўп учун курашда Уокер Тьяго Сильвани йиқитди. Ҳакам ўйинни тўхтатди.

    • 5'

      Махрезни изма-из таъқиб қилган Чилуэлл қўполлик ишлатишга мажбур бўлди.

    • 4'

      Икки рақибидан ўтган Хаверц жарима майдони марказига узатма амалга оширди. Эдерсон тўпни ушлаб олди.

    • 3'

      Бернарду Сильва ҳужумда Жоржиньога нисбатан қоида бузди. Ҳакам ўйинни тўхтатди.

    • 2'

      Кутилганидек, тўп назорати номинал мезбонлар томонда бўлиб турибди.

    • 1'

      Илк сониялардан манчестерликлар прессинг уюштирмоқда. Бошқача бўлиши мумкинмиди?!

    • 1'

      Ўйин бошланди!

    • 0'

      ЕЧЛнинг оҳангдор мадҳияси янгради! Финалга тайёрмисиз?!

    • 0'

      Футболчилар майдонга тушиб келди. Супер учрашув бошланиш арафасида!

    Матнда хатолик топсангиз, ўша хатони белгилаб, бизга жўнатинг (Ctrl + Enter)

    Минбар

    Барча блоглар