Елена Докич: Отам мени беҳаё деб атади ва хушумни йўқотгунимча калтаклади

Австралиялик теннисчи Елена Докич ўтмиши ва отаси билан муносабатлари ҳақида гапириб берди.

“Отам мени машғулотлар чоғида хато қилсам, ёки кайфияти бўлмас урар эди. Баъзан юзимга тупурар, сочларимдан тортиб судрар, қулоқларимни чўзиб қийнар эди. Бир маротаба у мени фоҳиша деб атади ва хушумни йўқотгунимча калтаклади.

Бу воқеалар илк маротаба қўлимга ракетка олганимда бошланган. Мен ўшанда 12 ёшда эдим. Отам ўзини бошқара олмай қоларди. Бу ҳам руҳан, ҳам жисмонан оғриқли эди.

Профессионал даражага етишганимда, бир маромда ўйнай олмадим, у бўлса менга далда бермади. Унинг ўрнига камситди. Отамни ҳеч қачон нега бу ишларни қилганини тушунмайман.”

Sports.uz