Энди "Навбаҳор"нинг уй ўйинларига аёллар бепул киритилади

"Навбаҳор" ПФК раҳбарияти PEPSI Суперлига 24-тур доирасидаги “Навбаҳор” – “Металлург” жамоалари ўртасидаги учрашувга севимли жамоасини бевосита стадиондан туриб қўллаб-қувватлашни хоҳлаган аёллар учун алоҳида бепул сектор ажратилишини эълон қилди. Бу ҳақда клуб матбуот хизмати хабар бермоқда.

“Навбаҳор” мухлисалари энди бемалол 15-сектордан жой олиб, “лочинлар”ни барчалари биргаликда қўллаб-қувватлашлари мумкин.

Эслатиб ўтамиз, “Навбаҳор” – “Металлург” ўйини 23 сентябрь куни “Марказий” ўйингоҳда соат 20:00 да старт олади.