Европага футбол қайтмоқда. Ёхуд "Бавария" бугундан машғулотларни бошлади

Мюнхеннинг “Бавария” клуби ўзининг расмий сайтида жамоа машғулотлари 6 апрелдан бошланишини маълум қилди.

Юқоридаги манбага кўра, спортчилар кичик гуруҳларга бўлинган ҳолда шуғулланишади. Клуб раҳбарияти ва ҳукуматнинг тавсияларига асосида шундай қарорга келинган. Барча гигиена қоидалари қаттиқ тартибда назоратга олинади.

Бундан ташқари, “Бавария” мухлислардан машғулотларни томоша қилиш учун клуб қароргоҳига келмасликни сўраган.