Футбол агентини отиб ўлдиришди

Кеча, 14 апрель куни Рига шаҳрида шов-шувли жиноят содир бўлди. Мамлакатнинг таниқли футбол агенти Роман Беззубов номаълум шахслар томонидан отиб кетилди.

Маълум қилинишича, жиноятчилар BMW X5 русумли қора автомашинада бўлган. Улар жабрланувчига камида учта ўқ узган.

Латвия полицияси қотиллар қочиш учун давлат рақамини ўзгартириши мумкинлигини истисно қилмаяпти. Ҳозирда воқеанинг бир нечта талқинлари кўриб чиқилмоқда.

Беззубов Латвия терма жамоаси аъзолари – Виталий Ягодинскийнинг ва Владислав Соловейчикнинг агенти ҳисобланар эди. Украина ёшлар терма жамоаси аъзоси Николай Мусолитин ҳам айнан шу агентнинг мижози бўлган.

Фикрлар

Фикр қолдириш учун авторизациядан ўтинг!