Гиггз: МЮ Жезус ва Мбаппени таҳминан 5 млн фунтга сотиб олиши мумкин эди

«Манчестер Юнайтед» клуби собиқ ярим ҳимоячиси Райан Гиггз 2014 – 2016 йилларда манкуанликлар мураббийлар штабида фаолият олиб борган пайтларида Габриэл Жезус ва Килиан Мбаппеларни кузатиб боргани ҳақида айтиб ўтди.

“Мен Жезусни бундан уч йил муқаддам кўрганман, Мбаппени эса бир йил давомида кузатиб бордим. Мен скаутлар билан бирга уларнинг ўйинларини кўрганман, уларнинг истеъдоди ўшандаёқ маълум эди. Ўшандаёқ уларни сотиб олиш кераклигини сезганман. Ўша пайтда иккаласини таҳминан 5 млн фунтга сотиб олиш мумкин эди. Кейин эса уларни ўзлари тўп сураётган клубларга ижарага бериш керак эди. Агар ушбу трансфер амалга ошганида МЮ яхшигина пул ишлаб оларди”, - дейди Гиггз.

Эслатиб ўтамиз, Жезус 2017 йил январда “Палмейрас”дан “Манчестер Сити”га кўчиб ўтган бўлса, Мбаппе ўтган ёзги трансферлар даврида “Монако”дан ПСЖ сафига келиб қўшилган эди.