Гризманнинг футболкаси Месси ва Роналдуникига нисбатан қимматроққа сотилди

3 декабрь куни Palmira Business Club’да “Футболка ҳаёт беради” деб номланган ҳайрия кечаси бўлиб ўтди.

Ушбу тадбирда ўзига ҳос аукцион ҳам ўтказилди. Унда Лионель Месси, Криштиану Роналду, Неймар ва Антуан Гризманн каби машҳур футбол юлдузларининг футболкалари ким ошди савдосига қўйилди.

Эътиборлиси, улар орасида Антуан Гризманнинг 2016 йил 29 март куни Франция – Россия ўртоқлик ўйинида кийган ва ўз шахсий дастхати туширилган либоси энг қиммат нархга сотилди. Франциялик футболчининг футболкасини нақд 550 минг рублга харид қилишди.

Бу борада иккинчи кўрсатгични Лионель Мессининг Аргентина терма жамоаси сафида ЖЧ-2018да фойдаланган либоси эгаллади. У 450 минг рублга сотилди. Неймар ва Роналдунинг футболкалари эса 250 минг рублга баҳоланди.