Гвардиола: "Филлипснинг ортиқча вазни бор"

Англия Лига кубогининг 1/8 босқичидан ўрин олган "Манчестер Сити" - "Ливерпуль" учрашуви бўлиб ўтди. Ўйинда "шаҳарликлар" таркибида Калвин Филлипс қайдномага киритилмади. Ушбу ҳолатдан кейин футболчининг жароҳати борлиги ҳақида миш-мишлар тарқалди. Пеп Гвардиола ушбу ҳолатга изоҳ берди.

"Калвин жарохат олгани йўқ. У клубга ортиқча вазн билан қайтди. Футболчи қачон тайёр бўлса, ўйинга тушиши мумкин. Бизга у керак, жуда керак", - деди 51 ёшли мутахассис.

Филипс Англия терма жамоаси билан Қатарда бўлиб ўтган мундиалга ташриф буюрди. Саутгейт ярим ҳимоячига 40 дақиқа майдонда ҳаракатланиш имконини берди.