Испания Суперкубоги энди янгича форматда ўтказилади

2020 йилги Испания Суперкубоги учрашуви янгиланган форматда ўтказилади. Бу ҳақда Cadena Cope нашри хабар тарқатмоқда.

Унга кўра ушбу соврин учун 4та жамоа – Ла Лиганинг 1- ва 2-ўрин соҳиблари ҳамда Испания кубоги финалчилари кураш олиб боришди. Агар Чемпионатнинг олтин ва кумуш медаллари соҳиблари кубок финалида ҳам ўйнашса, у ҳолда кубок ярим финалида иштирок этган жамоалар Суперкубок учун курашиш имкониятига эга бўлишади.

Таъкидлаш лозимки, Суперкубокнинг барча ўйинлари хорижий давлатларда ўтказилади. Испания футбол ассоциацияси бу борадаги тўлиқ маълумотни 29 апрель куни эълон қилади.