ЖЧ-2018га Хитойдан 100 минг мухлис ташриф буюради

Келаси йили Россия яшил майдонларида бўлиб ўтадиган футбол бўйича ЖЧ-2018 мусобақасига Хитойдан 100 минг нафаргача мухлис ташриф буюуриши кутилмоқда. Бу ҳақда South China morning post нашри Shankai Sports ижрочи директори Фэн Таонинг сўзларига таяниб маълум қилган.

Бу ташрифларнинг умумий нархи 25 миллион долларга баҳоланмоқда. Фэн Таонинг сўзларига кўра, ЖЧ-2014га Хитой, Гонконг, Сингапур ва Макаодан 5 минг мухлис борган.

Shankai Sports компанияси ЖЧ-2018 ва Конфедерациялар кубоги-2017га эксклюз саёҳатлар сотуви ҳуқуқини қўлга киритган.

Эслатиб ўтамиз, ЖЧ-2018 14 июндан 15 июлгача Россиянинг 11 шаҳридаги 12 стадионда бўлиб ўтади.