Кейн Лондон дербиларидаги 25-голини киритди
"Тоттенхэм Хотспур" клуби ҳужумчиси Ҳарри Кейн Англия Премьер-лигаси 13-туридан ўрин олган "Челси"га қарши баҳсда ўз номини таблога ёздириб қўйишга эришди.
Бугунги гол 25 ёшли форврд учун Премьер-лигадаги Лондон дербиларида киритган 25-голи бўлди. Энди Кейн бу борада фақатгина мазкур дерби учрашувларида 32 та тўп киритган Тедди Шерингемдан ортда қолмоқда холос.
Маълумот учун, Кейн клуб академияси тарбияланувчиси саналади ва "шпорлар" сафида 2009 йилдан буён тўп тепиб келади. У ҳозиргача АПЛда 230 беллашувда майдонга тушган ва 151 та гол киритган.
Фикрлар