Клопп: "Барселона" билан бўладиган ўйинларни сабрсизлик билан кутяпман

"Ливерпуль" клуби бош мураббийи Юрген Клопп кеча "Порту"га (4:1) қарши ўйинда қўлга киритилган йирик ҳисобдаги ғалабадан сўнг ўз фикрларини билдириб ўтди. Таъкидлаш керакки, унинг жамоаси икки ўйин натижасига кўра 6:1 ҳисобида ғалаба қозонди ва ЕЧЛ ярим финалига йўлланмани қўлга киритди.

“Бизни “Драгау”да қийин ўйин кутаётганини билгандик. Шундай ҳам бўлди. Аммо, иккинчи бўлимда рақиб чарчаб қолди ва биз бундан фойдаланиб ташаббусни ўз қўлимизга олдик ҳамда голлар урдик. Шубҳасиз, бизнинг жамоамиз тажрибалироқ эди.

Мен “Барселона”га қарши расмий учрашувларда биринчи марта ўйнайман. Буни эса сабрсизлик билан кутяпман”, - дейди германиялик мутахассис.