Коста: "Атлетико"да ўйнаш - бу менинг тақдирим

Лондоннинг “Челси” клуби билан муносабатлари боши берк кўчага кириб қолган Диего Коста яна “Атлетико”га қайтиш ниятида эканлигини айтиб ўтди.

“Менинг тақдирим аниқ, мен “Атлетико”да ўйнашим керак. Бироқ, битта муаммо бор: “Челси” мени қўйиб юборишни истамаяпти. Бу масаланинг ҳам ечими топилишига умид қиламан. Мен барибир Испанияга қайтаман”, - дейди Коста Globo Esporte нашрига берган интервьюсида.

Эслатиб ўтамиз, бундан аввалроқ “Челси” Костани судга бермоқчи эканлиги ҳақида хабарлар тарқалган эди.