Ла Лига президенти: Роналдунинг "Реал"дан кетиши мени ортиқ хавотирга солмайди

Испания Ла Лигаси президенти Хавьер Тебас португалиялик ҳужумчи Криштиану Роналду “Реал”дан кетиши ҳақидаги хабарларга нисбатан ўз муносабатларини билдириб ўтди.

“Роналду? Бу ажойиб тарих. Аммо у ҳозир ҳам “Мадрид”да ўйнашда давом этмоқда. Агар беш йил олдин мендан унинг кетиши ҳақида сўраганингизда, мен бундан хавотирга тушган бўлардим. Лекин ҳозир у қадар ташвишланмайман. Чунки биз ҳозир чемпионат ва жамоалар бренди борасида иш олиб боряпмиз”, - дейди Тебас.

Эслатиб ўтамиз, 33 ёшли футболчи “Ливерпул”га (3:1) қарши бўлиб ўтган ЕЧЛ финалидан сўнг жамоадан кетишига ишора қилиб ўтган эди.