Ла Лига. "Реал" катта қийинчилик билан "Бетис"ни енгди

Севильядаги "Эстадио Бенито Вильямарин" стадионида кечган учрашувда мадридликлар 2:1 ҳисобида ғалабага эришдилар.

Даставвал 13-дақиқада Лука Модрич ҳисобни очди. Иккинчи бўлим ўрталарида эса Серхио Каналес мувозанатни тиклади. Ўйин сўнггида эса Дани Себальос гол киритиб, собиқ жамоасини "ранжитди" - 2:1, мадридликлар фойдасига.

Шу тариқа Сантьяго Солари шогирдлари ҳисобидаги очколар  сони 33 тага етди ва жамоа турнир жадвалида 4-ўринга кўтарилиб олди. "Бетис" эса 26 очко билан 7-поғонада қолди.