Лерой Сане январь охирида майдонга қайтиши мумкин

"Манчестер Сити" вингери Лерой Сане январь охирида майдонга қайтиши мумкин. Пеп Гвардиола сўзларига кўра, футболчи Манчестер дербисигача тайёр бўлади.

"Сане жароҳатидан қутилди. Унинг майдонга қайтишига оз вақт қолди ва машғулотларни якка тартибда бошлади. Бироқ Лерой бир неча хафтадан сўнггина бизга ёрдам бериши мумкин", - дейди Гвардиола.

Эслатиб ўтамиз, олдинроқ, Сане августь ойида олган жароҳатидан сўнг биринчи машғулотларини ўтказгани хабар қилинган эди.