"Ливерпуль" футболчиси 5 йилга қамалиши мумкин

“Ливерпуль” клуби ҳимоячиси Деян Ловренга жиноий жавобгарлик таҳдид қилмоқда. Аниқроғи, 28 ёшли футболчи ёлғон гувоҳлик бергани учун жазоланиши мумкин.

The Sun нашри тарқатган хабарга қараганда хорватиялик футболчи 2010 йилда Загребнинг “Динамо”сидан “Лион”га ўтишида коррупция аралашгани сабаб ўтказилган тергов-суруштирув пайтида ёлғон гувоҳлик берган. Энди у қонунчиликка кўра 5 йил озодликдан маҳрум этилиши мумкин.

Маълумот учун, Ловрен жорий мавсум АПЛнинг 17та учрашувида майдонга тушиб, ўз ҳисобига 1та гол ҳамда 1та голли узатма ёздириб қўйишга эришган.