“Ливерпуль” сотган қимматбаҳо футболчилар
Ўтган сафар сиз азиз мухлисларни “ПСЖ”, “Тоттенхэм”, “Манчестер Сити” ва "Арсенал" жамоалари тарихидаги энг қимматбаҳо сотувлар билан таништирган эдик. Бугун, мазкур туркумдан ўрин олган навбатдаги жамоа билан сизларни таништирамиз. Демак, “Ливерпуль”нинг қимматбаҳо сотувлари.
5. Хаби Алонсо – 30 млн фунт
2004 йилнинг ёзида Рафаэль Бенитес Алонсони “Ливерпуль”га таклиф этади. Албатта, унинг Англияга кўчиб ўтиши учун “қизиллар” Алонсонинг олдинги жамоаси – “Реал Сосьедат”га яхшигина пул тўлашади – 10,7 млн фунт. “Энфилд”да 5 йил тўп сурган Хаби мазкур жамоа сафида 200 дан зиёд ўйин ўтказади. Қайд этиш жоиз, Алонсо “Ливерпуль” билан фақат АПЛни қўлга киритмаган, холос. 2009 йилда эса “Реал” Роналду, Какалар билан бирга Алонсони ҳам жамоага таклиф этади. “Ливерпуль” эса Алонсонинг трансферидан 30 млн ишлаб олади.
4. Кристиан Бентеке – 32 млн
2015 йил “Астон Вилла”дан 32,5 млн фунт эвазига катта умидлар билан олиб келинган Бентеке мухлислар кутган ўйинни намойиш этиб беролмайди ва бир йилгина “Энфилд”да ўйнаган белгиялик ҳужумчини “Кристал Пелас”га трансфер қилишади. Албатта, сотиб олинган нарҳидан бироз кам сумма эвазига сотиб юборилган Бентеке учун “қизиллар” турли бонуслар билан 32 млн фунт олишади.
3. Рахим Стерлинг – 49 млн
17 ёшида “Ливерпуль”да дебют қилган асли Ямайкада туғилган Стерлинг “қизиллар”нинг келажаги деб эътироф этилган эди. Аммо 2015 йилда Рахим катта сумма эвазига “Манчестер Сити”га бориб қўшилади ва “Ливерпуль” мухлисларининг нафратига дучор бўлади. Аммо “Ливерпуль” ўз тарбияланувчисининг трансферидан салкам 50 млн фунт ишлаб олганини эътироф этиш жоиз.
2. Фернандо Торрес – 50 млн
2007 йил “Атлетико”дан 20 млн фунт эвазига ҳарид қилинган Торресни “қизиллар”нинг барча мухлислари яхши кўришар эди. Аммо 2011 йилги қишги трансфер ойнасининг сўнгги кунида “Эл Нино” 50 млн фунт эвазига “Челси” сафига кўчиб ўтади ва у ҳам “қизиллар” мухлисларининг нафратига дучор бўлади.
1. Луис Суарес – 75 млн
Айни ўша кеча эса “қизиллар” Торреснинг ўрнини боса оладиган Суарес билан шартнома имзолайдилар. Уругвайлик ҳужумчи “Ливерпуль”га 22,8 млн фунтга тушади. Аммо Суареснинг хизматларидан салкам 4 мавсум фойдаланган “Ливерпуль” уни 2014 йилнинг ёзида 3 баробар қиммат нарҳга трансфер қилади.
Шаҳзод Холбоев тайёрлади
Фикрлар