"Локомотив" "Бухоро"га қарши учрашувга тайёргарлик кўрмоқда

"Локомотив" навбатдаги учрашувини Олий Лига 28-тури доирасида "Бухоро"га қарши ўтказади.

"Темирйўлчилар" мазкур ўйинга жиддий ҳозирлик олиб боришмоқда. Таркибда йўқотишлар ҳақида гап кетганда, Икром Алибоевнинг жароҳат олганини таъкидлаш лозим. Маҳоратли футболчи олдиндаги ўйинда "Локомотив"га ёрдам бера олмайди.

Шунингдек, Бобир Давлатов ҳам айни дамда жароҳатдан тикланиш жараёнини ўтказмоқда. Қолганлар эса "Бухоро" билан ўйинга тўлақонли тайёргарлик олиб боришмоқда.