“Локомотив” ёшлари Осиё Футбол Конфедерацияси бош қароргоҳига ташриф буюрди
Ads

Куала-Лумпурда ўтаётган “1-ST AFZA GRASS ROOT LEAGUE” мусобақаси ғолибига айланган “Локомотив” ёшлари кеча хабар бериб ўтганимиздек Осиё Футбол Конфедерацияси бош қароргоҳига ташриф буюрдилар.

ОФК расмийлари ёшларимизни кутиб олдилар ва Осиё футболи тарихи билан таништирдилар.

Йиғилганларга яна Осиё футболининг бугунги куни, мусобақалар, жахон миқиёсида эришаётган ютуқлари ҳақида ҳам гапириб бердилар.

Шундан сўнг барча ОФК мажлислар залига йиғилди ва Эркин Саидов бошчилигидаги делегация аъзоларига ОФК мутасаддилари совғалар улашдилар ва чемпионлик билан табрикладилар.