Луис Энрикенинг омадли дебюти Испания терма жамоаси учун тарихий бўлди

Хабарингиз бор кеча Испания терма жамоаси УЕФА Миллатлар лигаси доирасида сафарда Англия меҳмони бўлди. “Уэмбли”да кечган баҳс “қизил фурия”нинг 1:2 ҳисобидаги ғалабаси билан якунланди.

Ушбу ғалабадан сўнг испанларнинг мағлубиятсиз серияси яна битта ўйинга кўпайди ва 25та ўйинга етди. Бу ҳақда Gracenote Live нашри хабар бермоқда.

Эътиборлиси, бу замонавий футболдаги энг узоқ мағлубиятсиз серия ҳисобланади.

Эслатиб ўтамиз, кеча Луис Энрике Испания терма жамоаси бош мураббийи сифатида илк учрашувини ўтказган эди.