Лука Модрич: Роналдунинг даври ўтди деганлар, футболдан узоқ одамлардир

Испаниянинг "Реал" клуби ярим ҳимоячиси Лука Модрич собиқ жамоадоши Криштиану Роналдунинг Туриндаги омадсизлиги борасида ўз фикрларини билдирди. Бу ҳақда AS нашри хабар бермоқда.

- Биз Роналду билан кўп йиллар бирга фаолият олиб бордик. Унинг катта иштиёқи эвазига "Реал" кетма-кет 3 марта ЕЧЛда зафар қучди. Унинг айни пайтдаги Туринда гол ура олмаётгани бу шунчаки футболчиларда учраб турадиган ҳолат. У янги жамоага кўчиб ўтди. Ҳар ким ҳам жойини ўзгартирганда киришиб кетиши учун вақт керак бўлади. Роналдунинг даври ўтди деганлар, футболдан узоқ одамлардир, - деди Модрич.