"Манчестер Сити" ва Украина терма жамоаси қанот ҳимоячиси Александр Зинченко Англия чемпионати 25-тури доирасида "Тоттенхэм"га қарши ўйиндаги вазият учун клуб ва мухлислардан кечирим сўради.

Эслатиб ўтамиз, Лондонда бўлиб ўтган ўйиннинг 60-дақиқасида украиналик футболчи хакам томонидан қизил карточка билан жазоланиб майдонни тарк этган эди.

"Жамоа ва мухлислардан кечирим сўрамоқчиман. Бу менинг айбим. Бўлган воқеалар мен учун яхши дарс бўлди. Энди эса ўз устимда янада кўпроқ ишлашга ваъда бераман", - дейди Зинченко.