"Манчестер Сити"ни футболчиси "Селтик"ка ўтди

Франциялик ярим ҳимоячи Оливье Нтшам ўзига “Манчестер Сити”да имкон беришини кутиб чарчади ва охири “Селтик” аъзосига айланди. Хабарларга қараганда 21 ёшли футболчининг трансфери шотландияликларга 8 млн еврога тушган.

Таъкидлаш керакки, Нтшам ўз вақтида Франциянинг барча ёш тоифасидаги терма жамоаларида тўп сурган. Бироқ, у “шаҳарликлар” таркибига келиб қўшилганидан буён ҳали бирор марта ҳам расмий учрашувда майдонга тушмаган.

Эслатиб ўтиш жоизки, Нтшам ўтган мавсумни Италиянинг “Женоа” клубида ижара асосида ўтказган ва 17та учрашувда майдонга тушган.