“Мессини “Барса”да ҳурмат қилишмайди!”

“Барселона”дан “ювентус”га трансфер қилинган Артур Мело собиқ жамоадоши Лионель Месси ва Каталониядаги вазият ҳақида гапирди.

- Лионель Месси болалигидан “Барселона”да, бутун фаолиятини шу ерда ўтказди, унинг клубдан кетмоқчилигини тўғри тушунаман. Лекин мени клуб раҳбариятининг Мессига ҳурматсизлик қилгани ҳайратга солади, - деди Артур.

Маълумки, Месси ёзда жамоани тарк этишга ҳаракат қилганди. Бироқ, клуб раҳбарияти уни мажбуран олиб қолди. Аргентиналик ҳужумчининг шартномаси ёзда якунига етади. Ҳали янги битим бўйича ҳеч қандай янгилик бўлгани йўқ.