Мессининг шахсий самолёти фавқулодда қўнишга мажбур бўлди
"Барселона" форварди Лионель Мессининг шахсий самолёти техник носозликка учради. Бу ҳақда HLN нашри хабар тарқатмоқда.
Юқоридаги манбага кўра, аргентиналик футболчининг самолёти шу сабабли Брюссель аэропортига фавқулодда қўнишни амалга оширган.
Айтиш керакки, самолёт аслида Испаниянинг Тенерифе шаҳри томон йўлга чиққан эди. Ҳозирча, ушбу ҳодиса рўй берган пайтда футболчи самолёт бортида бўлган ёки бўлмаганини аниқлашнинг имкони бўлмади.
Месси ушбу самолётни бундан икки йил муқаддам 13 млн еврога сотиб олган эди.
Фикрлар