Моуриньо МЮ раҳбариятини Бэйл учун 110 млн евро таклиф қилишга ундамоқда

Англиянинг “Манчестер Юнайтед” клуби бош мураббийи Жозе Моуриньо жамоа раҳбариятинии “Реал” ҳужумчиси Гарет Бэйлнинг трансфери бўйича 110 миллион евролик таклиф юборишга ундамоқда. Бу ҳақда The Sun нашри хабар тарқатмоқда.

Португалиялик мутахассиснинг фикрича ушбу сумма “қироллик клуби”ни Бэйлни сотишга мажбур қилиши мумкин. Қолаверса, “қизил иблислар” уэльслик футболчининг маошини ҳафтасига 550 минг еврогача кўтиришга тайёр.

Эслатиб ўтамиз, бундан аввалроқ МЮ афсонаси Райан Гиггз ҳам Бэйл бу ёз “Реал”дан кетмаслигига ишониши ҳақида айтиб ўтган эди.