"Насаф" бош менежери ўз хоҳишига кўра ишдан кетди

Бугун, 15 май куни "Насаф" бош ҳомийси – “Шўртан газ кимё мажмуаси” раҳбарияти иштирокида йиғилиш бўлиб ўтди. Унда “Насаф” ПФК бош менеджери ҳақидаги масала кўриб чиқилди.

2012 йилдан буён клубда бош менеджер лавозимида фаолият юритган Шамиль Самигулович Ярулин ўз аризасига мувофиқ, соғлиги ёмонлашгани туфайли лавозимидан озод қилинди.

Бош ҳомий – “Шўртан газ кимё мажмуаси” раҳбарияти томонидан клубга бош менеджер этиб, шу пайтгача “Насаф” футбол мактабини бошқариб келган Сергей Петрович Кучеренко тайинланди.