“Насаф” жамоаси “Шўртан” билан назорат учрашувларини ўтказади

Янги мавсумга тайёргарлик кўраётган  жамоамиз 28 декабр чоршанба куни Ғузорнинг “Шўртан” жамоаси билан иккита назорат учрашуви ўтказади. Назорат учрашувлари “Марказий” стадион ёнидаги машғулот майдонида бўлиб ўтади.

Назорат учрашувлари соат 11:00да ва 13:00га мўлжалланган. Жамоамиз таркибидаги ўзгаришларга тўхталадиган бўлсак, ҳозирча жамоамизни Фозил Мусаев расман тарк этган. Ушбу футболчи Япония клуби билан янги шартнома имзолагани ҳақида хабар бериб ўтган эдик.

Жамоамиз таркибида бошқа ўзгаришлар бўлгани йўқ. Шу кунларда шартнома муддати тугаган футболчилар билан янги шартномалар тузиш борасида музокаралар давом этмоқда.

Ўзингизга маълум, жамоамиз 31 январ куни ОЧЛ-2017 ўтиш босқичидаги учрашувни Бахрайннинг “Ал-Ҳидд” жамоасига қарши ўтказади. Учрашув Тошкентдаги “Бунёдкор” стадионида соат 16:00да бошланади. 

Фикрлар

Фикр қолдириш учун авторизациядан ўтинг!