"Навбаҳор" ўртоқлик ўйинида йирик ҳисобда ғалаба қозонди

Бугун Наманганнинг “Навбаҳор” клуби Наманган шаҳридаги “Динамо” стадионида Шаҳрихоннинг “Шаҳрихон” жамоасига қарши назорат – синов учрашувини ўтказди. Мазкур ўйинда “лочинлар” бош мураббийи Андрей Канчельскис кўрикдан ўтаётган бир қатор янги футболчиларни ҳам синаб кўрди. Учрашувда наманганликлар йирик – 4:1 ҳисобида ғалаба қозонишди.

“Навбаҳор” – “Шаҳрихон” – 4:1 (2:0)

11 январь. “Динамо” ўйингоҳи.

Ҳакамлар: Ғайрат Жўраев, Ислом Носиров, Абдураҳим Жабборов.

Назоратчи: Файзулло Ҳасанов.

Голлар: Александр Касьян, Зафар Тўраев, Аббос Ғуломов, Ойбек Мирзоҳидов – Усмон Алиев.

“Навбаҳор”: Мирзоҳид Маматханов, Игорь Голбан, Жаҳонгир Меҳмонов, Славко Лукич, Алишер Саматов, Иван Рогач, Абдужамол Исроилов, Улуғбек Акназаров, Зафар Тўраев, Шерзод Ҳакимов, Александр Касьян.

Захирадан майдонга тушганлар: Исроилжон Обиджонов, Музаффар Абдуллаев, Ҳожиакбар Юнусов, Аббос Ғуломов, Ойбек Мирзоҳидов, Абдулазиз Нишонбоев, Шоҳруҳмирзо Аҳмадалиев, Мақсуд Маҳмудов.

“Навбаҳор” клуби навбатдаги ўртоқлик баҳсини 17 январь куни Про-лига вакили Фарғонанинг “Истиқлол” жамоасига қарши ўтказади.