Неймарнинг отаси хатосини тан олди
Ads

Франциянинг ПСЖ клуби форварди Неймар ҳамон "Барселона"га қайтишни хоҳламоқда.

A Bola нашри тарқатган хабарга кўра 26 ёшли бразилиялик футболчи ушбу масала юзасидан каталонияликлар раҳбарияти билан нақд 5 марта боғланган. Ушбу музокараларда унинг отаси ҳам иштирок этган ва Неймарни йўлдан уриб, хатога йўл қўйганини тан олган.

Эслатиб ўтамиз, ПСЖ Неймарни 2017 йил 222 млн евро эвазига “Барселона”дан сотиб олган эди. Унинг амалдаги шартномаси 2022 йилга қадар имзоланган.

Маълумот учун, Неймар жорий мавсум парижликлар сафида жами 21та ўйинда иштирок этди ва ўз ҳисобига 18та гол ва 8та голли узатма ёздириб қўйишга эришган.