O‘zbekistonlik 5 nafar hakam Osiyo Chempionlar ligasi 2-turi uchrashuviga tayinlov oldi

Osiyo Chempionlar ligasi “H” guruhi 2-turidan o‘rin olgan “Vanfore Kofu” (Yaponiya) hamda “Buriram Yunayted” (Tailand) jamoalari o‘rtasidagi bahsni Ahrol Risqullaev boshchiligidagi o‘zbekistonlik hakamlar jamoasi boshqarib boradi. Unga qanotlarda FIFA hakamlarimiz Sanjar Shoyusupov hamda Alisher Usmonov yordam berishadi.

Ahamiyatli jihati, ushbu uchrashuvda VAR hamda AVAR vazifalari ham vakillarimizga ishonib topshirilgan. OFK VAR kursini muvaffaqiyatli yakunlagan Firdavs Norsafarov (VAR) hamda Aziz Asimov (AVAR) bu uchrashuvda birga ishlashi ko‘zda tutilgan.