Ўзбекистонлик ҳакамлар халқаро мусобақаларда ишлашади
Ads

 

Ўзбекистонлик ҳакамлар мунтазам равишда халқаро мусобақаларни бошқаришга таклиф этилмоқода, дея ёзади ЎФА матбуот хизмати. 

Жумладан, кеча бўлиб ўтган Осиё чемпионлар лигасидан ўрин олган “Ал-Гарафа” (Қатар) – “Ал-Аҳли” (Саудия Арабистони) жамоалари ўртасидаги учрашувни Валентин Коваленко бошчилигидаги ҳакамлар гуруҳи бошқариб боришди. Коваленкога қанотларда Руслан Серазетдинов ва Алишер Усмонов ёрдам беришди.

Шунингдек, бугун бўлиб ўтадиган ОЧЛ гуруҳ босқичидан ўрин олган “Ал-Ҳилол” (С.Арабистони) – “Ал-Райян” (Қатар) жамоалари ўртасидаги учрашув Равшан Эрматов бошчилигидаги ҳакамларга ишониб топширилган. Мазкур ўйинда қанотларда Абдуҳамидулло Расулов ва Жаҳонгир Саидов ишлашади.

Бундан ташқари, шу йилнинг 10-17 март кунлари Дубай шаҳрида ФИФА томонидан ЖЧда иштирок этувчи ҳакамлар учун навбатдаги ўқув-машғулот семинари бўлиб ўтади. Мазкур семинарга дунёнинг энг яхши ҳакамлари қаторида эътироф этиладиган ҳамюртимиз Равшан Эрматов таклиф этилган.

Ўзбекистонлик ҳакамлар яна қуйидаги халқаро ўйинларда иштирок этишади:

13 март. ОЧЛ
“Ульсан Хюндай” (Ж.Корея) – “Шанхай СИПГ” (Хитой)
Бош ҳакам: Валентин Коваленко
Лайнсменлар: Руслан Серазетдинов, Алишер Усмонов.

13 март. ОФК Кубоги
“Ал-Ансор” (Ливан ) – “Ал-Ваҳда” (Сурия)
Бош ҳакам: Ильгиз Танташев

14 март. ОЧЛ
“Тианжинь Куанжиань” (Хитой) – “Чонбук Хюндай Моторс” (Ж.Корея)
Бош ҳакам: Азиз Асимов
Лайнсменлар: Андрей Цапенко, Тимур Гайнуллин.
Захира ҳаками: Шерзод Қосимов

27 март. Осиё Кубоги - 2019 саралаши
Ливан – Малайзия.
Бош ҳакам: Валентин Коваленко
Лайнсменлар: Руслан Серазетдинов, Алишер Усмонов.
Захира ҳаками: Шерзод Қосимов

27 март. Осиё Кубоги - 2019 саралаши
Яман – Непал
Бош ҳакам: Азиз Асимов
Лайнсменлар: Андрей Цапенко, Тимур Гайнуллин.

3 апрель. ОЧЛ
“Серезо Осака” (Япония) – “Жейжу Юнайтед” (Ж.Корея)
Бош ҳакам: Ильгиз Танташев
Лайнсменлар: Андрей Цапенко, Тимур Гайнуллин.

3 апрель. ОЧЛ
“Шанхай Шеньхуа” (Хитой) – “Кашима Антлерс” (Япония)
Бош ҳакам: Равшан Эрматов
Лайнсменлар: Абдуҳамидулло Расулов, Жаҳонгир Саидов

10 апрель ОФК Кубоги
“Ал-Сувайҳ” (Уммон) – “Малькия” (Баҳрайн)
Бош ҳакам: Шерзод Қосимов
Лайнсменлар: РусланСеразетдинов, Алишер Усмонов

Шунингдек, 6-20 апрель кунлари Иорданиянинг Амман шаҳрида футбол бўйича Аёллар ўртасида Осиё чемпионати бўлиб ўтади. Мазкур мусобақада ишлаш учун ўзбекистонлик Эдита Миробидова (бош ҳакам) ва Зилола Раҳматова (ёрдамчи ҳакам) таклиф этилишган.