Перишич ўзини МЮга қўйиб юбормаган "Интер" билан келишиб олди
Миланнинг “Интер” клуби ярим ҳимоячиси Иван Перишич “нерадзуррилар” билан янги шартнома имзолашга жуда яқин турибди. У бу борада клуб раҳбарияти билан келишувга эришган.
Premium Sport нашрининг маълум қилишича 28 ёшли футболчининг “Интер” билан янги шартномаси 2021 йилга қадар тузилади ва унга кўра унинг маоши 3 млн евродан 5,5 млн еврогача оширилади.
Эслатиб ўтамиз, даставвал Перишичга Англиянинг “Манчестер Юнайтед” клубидан жиддий қизиқишлар бўлган ва унга йилига 7 млн евро маош ваъда қилишган эди. Бироқ, клублар футболчининг трансфери борасида келиша олишмади. Аниқроғи, миланликлар Перишич учун 50 млн евро талаб қилишди, бу эса инглизларга ёқмади.
Фикрлар