Погбанинг "Барселона"га ўтиши бироз кечикадиган бўлди

"Барселона" клуби раҳбарияти "Манчестер Юнайтед" ярим ҳимоячиси Поль Погбани сотиб олишни бироз кечиктиришга қарор қилди. Бу ҳақда El Mundo Deportivo нашри хабар бермоқда.

Унга кўра каталонияликлар Англияда трансфер деразаси ёвилганини инобатга олиб, МЮни бу трансферга кўндира олмасликларига ишонишмоқда. Чунки, агар манкуанликлар ўзининг етакчи футболчисини қўйиб юборишса, уларда унинг ўрнига янги футболчи сотиб олиш имконияти йўқ.

“Барселона” эса энди 25 ёшли франциялик футболчини қишки трансферлар даврида ёки келгуси ёз қўлга киритишга ҳаракат қилиб кўради.