Пойтахт клубини янги мураббий бошқаради

Берлиннинг “Герта” клуби ўзининг расмий сайтида янги бош мураббийи номини эълон қилди.

Унга кўра, пойтахт жамоаси бошқарувини 54 ёшли маҳаллий мутахассис Бруно Лаббадия ўз қўлига олган. У 13 апрелдан ўз ишига киришади.

Бруно Лаббадия бутун мураббийлик фаолиятини Германия ҳудудида олиб борган. У бунгача «Дармштадт», «Гройтер Фюрт», «Байер», «Гамбург», «Штутгарт» ва «Вольфсбург» клубларини бошқарган.

“Герта” айни дамда Бундеслига мусобақа жадвалида 13-ўринда бормоқда. Бунгача ушбу жамоани таниқли Юрген Клинсманн бошқариб борган эди.