"Қизилқум" - "Пахтакор": ўзаро ўйинлар

5 август куни Олий лигада иккинчи давра баҳсларига старт берилди.
"Қизилқум" иккинчи давранинг илк учрашувини Навоийда “Пахтакор” жамоаси билан ўтказади.
Жамоалар олий лига тарихида 35 бор куч синашганлар. 29 беллашувда тошкентликларни қўллари баланд келган. 5 та ўйинда томонлар муроса кўчасини танлашган. Навоийликлар битта ўйинда ғалабага эришишган. Тўплар нисбатида ҳам “шерлар” катта устунликка эга – 20:94.

Мазкур жамоаларнинг биринчи даврада Тошкентда ўтган беллашувида “Пахтакор” 3:1 ҳисобида ғолиб чиққан. Учрашувнинг яна бир эътиборли томони меҳмонларнинг янги устози, грузиялик Шота Арвеладзе ўзининг илк расмий учрашувини айнан Навоийда “Қизилқум”га қарши ўтказади.