“Қўқон-1912” ўртоқлик учрашувида “Цементчи” билан дуранг натижа қайд этди

Бугун Қўқондаги “Марказий” ўйингоҳида “Қўқон-1912” ўринбосарлари ва Биринчи лига етакчиси “Цементчи” жамоалари ўртасида ўртоқлик учрашуви бўлиб ўтди. Бу ҳақда клуб матбуот хизмати хабар бермоқда.

Ўйинда қўқонликлар аралаш таркиб билан ҳаракат қилишди. Аниқроғи, кечаги “Насаф”га қарши Ўзбекистон Кубоги баҳсда захирада қолган ўйинчилар навбати билан ва ўринбосарлар таркибидаги футболчилар майдонга тушишди.

Учрашув мухлислар кутганидек шиддатли ва кескин курашлар остида ўтди. Ўйиннинг 12-дақиқасида қувасойликлар аъзоси Абдул Азиз Юсупов ҳисобни очишга муваффақ бўлди.

Эслатиб ўтамиз, ушбу ўйинчи ўтган мавсумнинг биринчи қисмини “Қўқон-1912” жамоасида ўтказган. Шунингдек, бугунги учрашувда “Қўқон-1912” жамоасининг яна бир собиқ аъзоси Маъруф Зокиржонов ва Ойбек Нурбоевлар ҳам қувасойликлар сафида майдонга тушишди.

Учрашувнинг якунланишига 15 дақиқа қолганида кўконликлар аъзоси Ойбек Рустамов ҳисобни тенглаштиришди. Баҳс шу ҳисобда якунига етди.

Назорат учрашуви

“Қўқон-1912” – “Цементчи” – 1:1

Бош ҳакам: Қ. Собиров.

Голлар: Ойбек Рустамов 75. – Абдул Азиз Юсупов 12.

“Қўқон-1912”: И. Абдуллаев, Н. Отақўзиев, И. Раҳимов, О. Рустамов, А. Маматхўжаев, А. Раҳмонов, М. Раҳимов, И. Маликжонов, И.Охунжонов, Д. Мелиқўзиев, М. Содикжонов.

“Цементчи”: Ф. Турдалиев, М. Зокиржонов, Р. Мелибоев, О. Нурбоев, О. Аҳмаджонов, А. Раҳимов, А. Юсупов, С. Эрмаматов, Ж. Қобулов, Ш. Абдураҳимов, Д. Маматов.