Қўшни мамлакат билан футбол масаласи муҳокама қилинди

Тошкентдаги “Hilton” меҳмонхонасида Сурхондарё вилояти футбол ассоциацияси биринчи вице-президенти Санжар Шомуродов ҳамда Афғонистон футбол федерацияси президенти жаноб Юсуф Каргар ўртасида учрашув бўлиб ўтди.

Ушбу учрашувдан кўзланган мақсад яқин ойлар ичида Сурхондарёда Афғонистон ҳамда Ўзбекистон болалар футболи, профессионал футбол клублари ва аёллар футболи ўртасида халқаро ўртоқлик учрашувлари, футбол фестиваллари ўтказиш борасида фикр алмашилди.

шомуродов_3

Самимий руҳда кечган учрашувда Афғонистон футбол федерацияси президенти жаноб Юсуф Каргар ўзининг эсдалик совғаларини Санжар Шомуродовга тақдим этди.

Ишонамизки, яқин кунлар ичида қўшни Афғонистон футбол федерацияси билан дўстлик меморандуми имзоланади.

Ушбу учрашувни ташкиллаштириб беришда амалий ёрдам берган Ўзбекистон футбол ассоциацияси халқаро алоқалар бўлимига ўз миннатдорчилигимизни билдирамиз, - дея хабар бермоқда Сурхондарё вилояти футбол ассоциациясининг матбуот хизмати.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар