Равшан Эрматов билан учрашув бўлиб ўтди
Ads
Ўзбекистон футбол ассоциацияси Ўзбекистон Давлат Жисмоний тарбия ва спорт университети билан ҳамкорликни йўлга қўйгани ҳақида аввал хабар бериб ўтгандик.
 
Бугун ЎФА Ҳакамлар ва назоратчилар департаменти томонидан Ўзбекистон Давлат Жисмоний тарбия ва спорт университети талабалари билан учрашув ташкил этилди. Учрашувда таниқли ҳакам, ФИФА рефериси Равшан Эрматов, унинг ёрдамчиси Абдуҳамидулло Расулов, ЎФА Ҳакамлар ва назоратчилар департаменти бошлиғи Маъмур Саидқосимов, Ўзбекистон Давлат Жисмоний тарбия ва спорт университети ректори Маҳмуджон Болтабоев ҳамда университет талабалари иштирок этишди.  Бу ҳақда ЎФА расмий сайти хабар бермоқда.

Учрашув давомида Равшан Эрматов ҳакамлик касбининг ўзига хос томонлари ҳақида гапириб берди. Ҳакамлик билан шуғулланишни истаган талабалар қайси жиҳатларга эътибор қаратишлари зарурлиги таъкидланди. Шунингдек, талабалар орасида ҳакамлик учун номзодларни танлаб олишда эътибор қаратиладиган мезонлар ҳақида тушунтириш бериб ўтилди.  

Учрашув давомида талабалар ўзларини қизиқтирган саволлар билан Равшан Эрматовга мурожаат қилишди ва тегишли жавоблар олишди.