“Реал”нинг мағлубиятсиз серияси 34 ўйинга етди ва клуб рекорди такрорланди

“Реал Мадрид” жамоаси ЕЧЛ 6-тури доирасида “Боруссия Д” билан 2:2 ҳисобида дуранг ўйнади ва мағлубиятсиз серияни 34 ўйинга етказиб, клуб рекордини такрорлади. 

Охирги марта “Реал” шу йилнинг 6 апрель куни, “Вольфсбург”га қарши ЕЧЛнинг ўтган мавсумдаги чорак финал илк ўйинида 0:2 ҳисобида мағлубиятга учраганди.

“Реал”нинг 34 ўйиндан иборат мағлубиятсиз серияси 1989 йилда, Лео Бенхаккер мураббийлиги остида қайд этилганди.