Рэшфорд бугун машғулотларга қайтади

Англия терма жамоаси форварди Маркус Рэшфорд бугундан жамоанинг умумий гуруҳ машғулотларига кўшилади. Бу ҳақда BBC хабар бермоқда.

Эслатиб ўтиш лозимки, 20 ёшли футболчи 11 июнь куни жароҳат олган ва Россиядаги илк кунги машғулотларни ўтказиб юборган эди.

Маълумот учун, Англия ЖЧ-2018даги илк ўйинини 18 июнь куни Тунис терма жамоасига қарши ўтказади.