Шомуродовнинг дебютида "Женоа" сафардан 1 очко билан қайтди

Италия А Серияси 4-туридан ўрин олган "Верона" - "Женоа" учрашуви ўз якунига етди. Унда томонлар нурсиз дуранг қайд этди. 

Элдор Шомуродов ушбу беллашувда 63 дақиқа ҳаракат қилди.

Италия биринчилиги жорий мавсумида генуяликлар 3 та ўйинда иштирок этиб, 4 очко жамғаришга эришди.

• 90'
  

  Ўйин ўз якунига етди. Матнли трансляцияни Абдулвосид Валихонов олиб борди. 

• 90+'
  

  Ўйиннинг асосий вақтига 4 дақиқа қўшиб берилди.

• 89'

  "Верона"нинг кетма-кет ҳужумлари "Женоа" ҳимоячилари томонидан шунчаки қайтариляпти. 

• 86'

  "Верона" рақиб ярим майдони ичида босим уюштирмоқда. 

• 82'

  Скамакканинг зарбаси ноаниқ кетди.

• 79'
  

  Милан Бадель, Николо Ровелла, Горан Пандев захирага олинди. Валон Бехрами, Стив-Майк Эбоа Эбонг, Витторио Парижини майдонга тушди.

• 76'

  Генуяликлар жамоавий тарзда ҳимояланишмоқда. 

• 72'

  "Верона" ҳамон ҳужумда.

• 69'
  

  Маттиа Бани ўрнига Гольданига майдонга тушди. 

• 67'
  

  "Женоа"да Эмпаруар ўрнига Димарко майдонга тушди. 

• 63'
  

  Шомуродов захирага олинди. Унинг ўрнига Скамакка майдонга тушди.

• 62'

  Элдор ҳужумда қоидани бузди. 

• 60'
  

  Фавилли ўрнига Калинич майдонга тушди.

• 58'

  Майдон марказида Элдор тўпни олдириб қўйди. 

• 57'

  Вьеранинг зарбасини дарвозабон қайтарди.

   

• 54'
  

  Гильоне сариқ карточка олди. 

• 53'

  Ровелланинг жарима зарбаси жонли деворга тегиб қайтди.

• 50'

  Иккинчи таймни "Женоа" ҳужумкор бошлади. 

• 49'

  Вьеранинг зарбасини Перин ушлаб олди. 

• 48'

  Шомуродов ўзига узатилган тўпга ета олмади. 

• 46'
  

  Иккинчи тайм бошланди. 

• 45'
  

  Танаффус. 

• 45+'
  

  Биринчи таймга 1 дақиқа қўшиб берилди. 

• 44'

  Генуялик ҳимоячилар жарима майдонига узатилган тўпларни тинимсиз узоқлаштиришмоқда. 

• 42'
  

  Пандев сариқ карточка олди. Дарҳақиқат, у қўпол ўйнаганди. 

• 41'
  

  Бурчак зарбасидан узатилган тўпни дарвозабон қийинчилик билан қайтарди. 

• 40'

  Тайм сўнгида жамоалар темпни туширишди.

• 37'

  Сўнгги дақиқаларда генуяликлар ҳам фаоллашиб қолди. 

• 34'
  

  Перин қанотдан тепилган тўпни қайтариб юборди. 

• 33'

  Пандевнинг зарбасини дарвозага аниқ тепди. Дарвозабондан сейв. Шомуродов унга имконият тақдим этганди. 

• 32'

  Элдор тўпни ўзига бўйсундириб олганча ортга тўп узатди. Ҳимоячилар уни эгаллаб олишди.

• 31'

  "Женоа"нинг ҳужуми ноаниқ пас сабаб узулиб қолди. 

• 28'

  Шомуродовнинг узатмасини Ровелла аниқ дарвозага йўллай олмади.

• 25'

  Ровелланинг жаримадан тепган тўпи ноаниқ кетди. 

• 24'

  "Верона" футболчисининг бош билан берган зарбаси кучсиз чиқди. 

• 22'

  Шомуродовнинг ўтиб кетишига ҳимоячи йўл қўймади. 

• 21'

  Перин рақиб футболчиси томонидан тепилган навбатдаги кучсиз зарбани ушлаб олди. 

• 20'

  Шомуродов майдон марказида рақибидан тўпни олиб қўйиб, жамоаси ҳужумини бошлаб берди.

• 19'
  

  "Верона"нинг бурчак зарбаси қайтариб юборилди.

• 16'
  

  "Верона" ҳужумчиси офсайдда қолиб кетгани сабаб ҳужум тўхтади. 

• 15'

  "Женоа" тўпни тез йўқотмоқда. 

• 13'
  

  Пакеттининг зарбасини Перин ушлаб олди.

• 12'

  "Верона" ҳужумчисининг бош билан берган зарбаси ноаниқ кетди.

• 11'
  

  Бадель сариқ карточка олди.

• 10'

  "Верона" бурчак зарбаси амалга оширди. "Женоа" посбони кичик хатога йўл қўйди. Яхшики, вазият генуяликлар учун хайрли якун топди.

• 9'

  Бадель майдон марказида йиқитилди.

• 6'

  "Верона" ҳужумда фол ишлатди.

• 5'

  Шомуродов ўнг қанотдан олдинга юрди. У 2 та футболчини ортда қолдириб, шеригига пас берди. Ноаниқ.

• 4'

  "Верона" ҳужуми ҳимоячилар томонидан тўхтатилди.

• 2'

  Элдор илк дақиқалардан фаол ўйнамоқда. Ҳимояда ҳам ўзини кўрсатди.

• 1'
  

  Ўйин бошланди. 

• 0'

  Сардорлар ҳакам билан тўп ва майдон масаласини келишиб олишди.

• 0'

  А Серия мадҳияси биринчи бор Шомуродов учун янграмоқда!

• 0'

  Мана "Шома" майдонга тушиб келди. Омад, Элдор!!!

• 0'

  Жамоалар майдонга тушиб келишмоқда.

• 0'

  Ассалому алайкум, азиз футбол мухлислари. Элдор Шомуродовга А Серияда мухлислик қилишни бошлаймиз. "Верона" ва "Женоа" учрашуви бошланиш арафасида. Элдор дастлабки дақиқалардан майдонда. Ушбу ўйинни матнли тарзда Абдулвосид Валихонов эътиборингизга ҳавола этади.