Шота Арвеладзе

"Металлург" билан Суперлиганинг 3-туридаги учрашув Шота Арвеладзе учун "Пахтакор" жамоаси бошқарувида 100-расмий учрашувга айланди. Бу ҳақда клуб матбуот хизмати хабар берди.

Унинг жамоадаги кўрсаткичлари юқори эканини ушбу ўйинлар статистикасидан кўриш мумкин. 100 ўйиндан 75таси чемпионат, 14таси Ўзбекистон ва Лига Кубоги, қолган 11таси эса Чемпионлар лигаси мусобақаларига тўғри келган. Чемпионатда 75 баҳсда 55 ғалаба, 12 дуранг ва 8 мағлубият кузатилган. 170 гол рақиб дарвозасига урилиб, 54 тўп ўтказиб юборилган. 177 очко қўлга киритилган.

photo_2020-03-19_17-21-47

Чемпионлар лигасида 6 ғалаба, 2 дуранг ва 3 мағлубият қайд этилган. Тўплар нисбати 17га 12ни ташкил этади. Ўзбекистон Кубогида 8 ўйиндан 7тасида муваффақиятга эришилиб, 28 тўп киритиб, 6 гол ўтказиб юборилган. Лига Кубогида 5 ғалаба ва 1 мағлубият кузатилган. Унда рақиб дарвозаси 17 марта ишғол қилинган. 10 гол эса рақиблар тарафидан урилган.

photo_2020-03-19_17-28-44

Жами кўрсаткичлар эса шундай кўриниш олган: 100 ўйиннинг 73тасида ғалаба қозонилган. 14 баҳсда кучлар тенг келиб, 13 беллашув рақиблар ютуғи билан якунланган. "Шерлар" 232 тўп киритиб, ўз дарвозасидан 82 гол ўтказган. Голлар ўртасидаги +150ни ташкил қилмоқда. Умумий очколар сони эса 233тага етган. Арвеладзе қўл остида "Пахтакор" 75 фоиз учрашувларда зафар қучган, бир ўйинда 2,3 очкога эга чиққан ва бир баҳсга ўртача очко 2,33тадан қўлга киритилган.

Ўтган мавсум ўзбек клублари ичида биринчи бўлиб "Пахтакор" требл қайд этган жамоага айланганди.

Матнда хатолик топсангиз, ўша хатони белгилаб, бизга жўнатинг (Ctrl + Enter)