"Спартак" 1941 йилдан буён илк марта ўз дарвозасидан 7та тўп ўтказиб юборди

Аввал хабар берганимиздек кеча УЕФА Чемпионлар лигаси гуруҳ босқичи сўнгги турида “Ливерпуль” меҳмони бўлган Москванинг “Спартак” клуби ўз дарвозасидан жавобсиз 7та тўп ўтказиб юборди.

Эътиборлиси, ушбу жамоа ўз тарихида 3-марта расмий учрашувда 7та тўп ўтказиб юборди.

Аниқроғи, 1924 йилда "Красная Пресня" (жамоанинг аввалги номларидан бири) Москвада ПКМСФКга 0:7 ҳисобида имкониятни бой берган. Кейинроқ эса “Спартак” номи билан аталган клуб 1941 йил “Динамо”га 1:7 ҳисобида ютқазиб қўйган. Кеча “Ливерпул”дан қабул қилиб олинган мағлубият эса клуб тарихидаги учинчиси бўлди.