Спортчиларимиздан бир шингил! (Олтинчи қисм)
Ads

Орадаги бироз танаффусдан сўнг яна рукнимиз давом этади. Спортчиларимиз томонидан мухлислар учун ўзига ҳос туҳфаларни тақдим этишдан чарчамаймиз. Зеро, ушбу латифалар, хандалар юзингизга табассум бахш этса, кайфиятингизни кўтарса, бошимиз кўкка етади.

Азамат Нуфтиллаев – аралаш жанг санъати устаси, "FFC falco fighting championship" камари соҳиби

66330_680_2

Бир киши сахрога тушиб қолибди. Жазирама офтобда ҳолдан тойиб, чанқаб кетаётса, олдидан галстук сотаётган бир одам чиқиб қолибди.

Ундан:  сув борми дея сўрабди.

- Кечирасиз галстук бор дея жавоб берибди.

- Эй галстугини бошимга ураманми, сув керак менга сув дебди.

Шунда сотувчи: яна бир неча км юрсанг, ресторан чиқади. Ўша ердан сув топасан дея жавоб берибди.

Бир амаллаб, сўнги кучини тўплаб, эмаклаб аранг ресторанга етиб борса, унинг эшигига галстуксиз кирсанг ўласан деб ёзиб қўйилган экан.    ???? ????

--------------------------------------------------------------------------------------------------------------------------

--------------------------------------------------------------------------------------------------------------------------

Дунёда шундай ўғрилар борки, уларга жазо берадиган қонун йўқ.

- Йўғ-е, дадаси, ҳамма ўғриларга жазо бор, шекилли?

- Эрининг чўнтагига тушадиган хотинларга!

Фарҳод Абдумавлонов – футзалчи, Осиё чемпионати совриндори

29214361_2084075891826821_4204646341378310144_n

1945 йилда афанди немисларга асир тушиб қолибди.

- Сўнгги тилагингни тила! – дебди немислар унга.

-  Қулупнай есам, армоним йўқ эди, - дебди афанди.

Немислар:

-  Майли, қулупнай пишса ейсан, кейин отамиз, - дейишибди.

Қулупнай пишгунича уруш тугаб, афанди омон қолган экан.  ???? ????

--------------------------------------------------------------------------------------------------------------------------

--------------------------------------------------------------------------------------------------------------------------

Мезбон сўраяпти:

- Сизга қўзиқорин солайми?

- Йўқ. Мен фақат уларни теришни ёқтираман.

- Майли, унда мен уларни полга сочиб ташлайман. ???? ????

Жавлон Мирабдуллаев – футболчи, ўсмирлар ўртасидаги жаҳон чемпионати иштирокчиси

46513933_2227148697572820_2787556465139777536_n

Бир куни битта одам ўғли билан балиқ овига борибди. Дарёни қирғоғига жойлашибди ва қармоғига емиш қўйиш учун ўғлига қараб,

- ўғлим жўҳорини олиб бер дебди.

Ўғлини қорни оч экан.

- Дада еб қўйдим дебди.

- Дадаси: ҳа майли, унда нонни олиб бер нонга ҳам тутаверамиз деса,

- ўғил: нонни ҳам еб куйдим дебди.

- Шунда  дадасини жаҳли чиқиб: тез чувалчангниям егин уйга кетаверамиз дермиш...    ????  ????

---------------------------------------------------------------------------------------------------------------------------------------------------------------------------------------------------------------------

Дўхтир, нафас олганимда юрагим қаттиқ санчияпти.

- Ундай бўлса, нафас олмасликка ҳаракат қилинг.

Равшанбек Шерматов – профессионал боксчи

photo_2019-06-05_22-46-48

Ҳа ўртоқ, кайфиятинг йўқ?

- Эй, хотиним яна жанжал қиляпти.

-  Нега?

-  Тўрт юз минг ойлик ёш оилага етмайди дейди.

- Тежаб ишлатса етади.

-  Мен ҳам шуни айтаманда. У бўлса “етмайди, сиз ҳам ишланг” деяверади. ???? ????

--------------------------------------------------------------------------------------------------------------------------

--------------------------------------------------------------------------------------------------------------------------

Ўғлим, аквариумдаги сувни янгиладингми?

— Йўқ, ойижон! Балиқчалар ҳали сувни ичиб бўлишмабди.  ???? ????

Фарруҳ Мадаминов – аралаш жанг санъати устаси, мураббий

25551884_166570514094729_179656330106345413_n

- Картошка билан шолғомни тўйи бўлибди.

-Тўйга помидорини, бодрингни, сабзини, пиёзни карамни айтишибди. Аммо шуни ўқиётган ошқавоқни айтишмабди.????

--------------------------------------------------------------------------------------------------------------------------------------------------------------------------------------

Эр хотин суҳбатидан:

- Эр: Қора шимим қани?

- Хотин: Кеча ювгандим кичрайиб қолибди укамга бериб юбордим.

- Эр: Кўк кўйлагим қаерда?

- Хотин: Уни ҳам ювгандим, кичрайиб колибди. Укамга бериб юбордим.

- Эр: Ундан кўра мени ювиб, кичрайтириб, синглингга бериб юборсанг бўлмайдими дермиш?   ???? ????

Қобилбек Тўлабоев – муайтайчи, жаҳон чемпиони

photo_2017-09-09_19-28-19

Бир куни афанди йўлда кетаётса, болалар тош ўйнаб ўтиргна экан.

- Афанди: ҳой болалар нима қиляпсизлар дебди.

- Болалар: тош ўйнаяпмиз дея жавоб беришибди.

 Буларни бир алдайман деган мақсадда,

- Афанди:  Болалар, нариги маҳаллада текинга ёнғоқ тарқатяпти дебди.

 Болалар бу гапга ростмана ишониб, ўша томонга чопиб кетишибди. Афанди ҳам болаларни орқасидан қараб туриб, ие менга тугаб қолмасин дея, уларнинг ортидан чопиб кетган экан.  ????  ????

--------------------------------------------------------------------------------------------------------------------------

--------------------------------------------------------------------------------------------------------------------------

 Ҳўроз мусиқа мактабига ҳужжат топширяпти. Ўқиб нима қиласан. Туппа-тузук қичқирасанку?

- Нима қилай, товуқлар дипломинг борми деб сўрашяпти!  ????  ????

Олимжон Назаров – боксчи, “WBO international Flyweight Title” камари соҳиби

photo_2018-10-07_00-02-53

– Мен хотинимга тилло узук олиб бердим, мана икки ҳафтадирки у менга гапирмаяпти.

– Ие, нега?

– Шунақа келишганмиз. ???? ????

--------------------------------------------------------------------------------------------------------------------------------------------------------------------------------------

Кўчада бир чиройли аёл бир эркакни олдига келиб:

- Кечирасиз, назаримда сиз болаларимдан бирининг отаси бўлсангиз керак.

Дахшатдан қотиб қолган эркак:

- Йўғе, бўлиши мумкин эмас. Наҳотки?!

- Ўзингизни босинг. Нега ховлиқасиз. Мен ўқитувчиман дермиш... ????  ????

Аҳмадбек ЭШМАТОВ тайёрлади.

Минбар

Барча блоглар