Станислав Черчесов: Ҳеч ким қуруқ гап билан кимнидир ишонтира олмайди

Бундан бироз аввал Москвадаги “Лужники” стадионида Россия ҳамда Саудия Арабистони (5:0) терма жамоалари ўртасида ЖЧ-2018нинг илк учрашуви якунига етди. Ўйиндан сўнг мезбонлар бош мураббийи Станислав Черчесов ўзининг учрашув ҳақидаги фикрларини билдириб ўтди.

“Биз кеча матбуот анжуманида ҳам айтган эдик, ҳеч ким қуруқ гап билан кимнидир ишонтира олмайди. Бугун эса биз ушбу мундиалда муносиб иштирок этишни мақсад қилганимизни исботладик. Йигитларга раҳмат. Улар бугун режалаштирган ишларимизни тўлиқ бажаришди.

Дзагоевга келадиган бўлсак, бизда Б, С ва ҳокозо режалар ҳам бўлади. Иккинчи томондан жароҳат сабаб футболчи алмаштиришни истамасдим”, - дейди Черчесов.